Hamza arrin në Qeveri, pritet të takohet me Kurtin

Kryetari i PDK-së, Bedri Hamza, i shoqëruar nga deputeti Rrahman Rama, ka arritur në ndërtesën e Qeverisë së Kosovës, ku pritet të takohet me kryeministrin Albin Kurti.

Burime jozyrtare bëjnë të ditur se në takim pritet të diskutohen ndryshimi i Ligjit për Dhomat e Specializuara dhe zgjedhja e presidentit të ri të vendit.

Takimi vjen pasi kryeministri Kurti ka deklaruar gjatë ditës se kanë filluar komunikimet për arritjen e një marrëveshjeje për zgjedhjen e presidentit.

“Kemi filluar komunikimet dhe, natyrisht, kjo fundjavë është vendimtare për të pasur një marrëveshje, që javën e ardhshme të kemi presidentin”, ka thënë Kurti