"S'jemi brez i luftës, por jemi brezi që egziston falë saj", një nga mesazhet e protestës së sotme [video]

Me pankartën -"S'jemi brez i luftës, por jemi brezi që egziston falë saj", ka nisur grumbullimi i qytetarëve në sheshin “Skënderbeu” në Prishtinë, në vazhdën e protestave kundër aktgjykimit të Dhomave të Specializuara në Hagë ndaj ish-krerëve të UÇK-së.

Qytetarë të shumtë janë mbledhur në shesh, ndërsa protesta po zhvillohet për të dytën javë radhazi. Në ditët e fundit, tubimet janë mbajtur çdo mbrëmje në kryeqytet.

Protesta është thirrur me moton “Jo në emrin tim”, ndërsa organizatorët kanë paralajmëruar vijimin e tubimeve kundër aktgjykimit të shkallës së parë në Hagë.