Njësia A4 e termocentralit “Kosova A” rikthehet në operim

Njësia A4 e termocentralit “Kosova A” është rikthyer në operim pas përfundimit me sukses të sanimeve teknike.

Sipas njoftimit nga Korporata Energjetike e Kosovës, bëhet e ditur se startimi i njësisë është bërë sot rreth orës 04:00, ndërsa sinkronizimi me rrjetin është realizuar rreth orës 08:30.

"Aktualisht, njësia A4 është në operim dhe gjendja e saj raportohet stabile", thuhet në njoftimin e KEK-ut.

Po ashtu KEK-u përmes njoftimit ka shprehur falënderim për stafin teknik dhe të gjithë punonjësit e termocentralit “Kosova A” për përkushtimin, profesionalizmin dhe gatishmërinë e tyre në mirëmbajtjen dhe funksionimin e njësive prodhuese. /Zëri