Terras në Kosovë: Zgjedhja e presidentit, sfida e radhës për Kosovën
Eurodeputeti dhe raportuesi për Kosovën në Parlamentin Evropian, Riho Terras po qëndron për vizitë në Kosovë, ku ka zhvilluar një takim me shefin e UNMIK-ut, Peter Due, ku temë e diskutimit ka qenë situata politike në Kosovë pas përfundimit të ngërçit të zgjatur institucional.
Terras ka bërë të ditur se pas zgjedhjes së udhëheqjes së Kuvendit, sfida e radhës për Kosovën është zgjedhja e presidentit, transmeton Zeri.info.
“Pas një ngërçi të zgjatur politik, Kuvendi ka zgjedhur udhëheqjen e tij. Sfida tjetër madhore është zgjedhja e presidentit”, ka shkruar Terras në një postim në rrjetin social X.
Ai ka theksuar gjithashtu rëndësinë e stabilitetit të Kosovës dhe dialogut ndërmjet komuniteteve për rrugëtimin evropian të vendit.
“Stabiliteti i Kosovës dhe dialogu ndërmjet komuniteteve janë thelbësorë për rrugën e saj evropiane”, ka deklaruar Terras. ./Zëri
I met with Peter Due, Head @UNMIKosovo.
— Riho Terras (@RihoTerras) September 10, 2026
After a prolonged political deadlock, the Assembly has elected its leadership.
The next major challenge is the election of the President.
Kosovo’s stability and inter-community dialogue are central to its European path.
ë pic.twitter.com/H9XEcsEq5r