Prokuroria Speciale cakton 48 orë ndalim për Skënder Llugiqin pas kërcënimit ndaj Haradinajt

Me urdhër të Prokurorisë Speciale, është ndaluar për 48 orë personi me inicialet S.LL., nën dyshimin për kryerjen e veprave penale “Nxitja e përçarjes dhe mos durimit” si dhe “Kanosja”, bëhet fjalë për deklaratën e dhënë sot në ambientet e Kuvendit të Kosovës për “pushkatimin” e Ramush Haradinajt.

Prokuroria Speciale, përmes njoftimit ka bërë të ditur se në bashkëpunim me Policinë e Kosovës- Drejtoria për Hetimin e Krimit të Organizaur dhe Krimeve të Rënda, “është duke ndërmarrë të gjitha veprimet dhe procedurat e nevojshme hetimore, me qëllim të sqarimit dhe vërtetimit të plotë të rrethanave të rastit të ndodhur të mërkurën, në Kuvendin e Republikës së Kosovës”, thuhet në njoftim. /Zëri