Sulmoi policët dhe iu gjet armë me fishekë, prangoset një person në Klinë

Një person është prangosur në Klinë nën dyshimin për sulm ndaj personit zyrtar dhe posedim të paautorizuar të armës.

Sipas njoftimit të PK-së thuhet se rasti ka ndodhur më 8 qershor 2026, rreth orës 23:13, në rrugën “Abedin Rexha” në Klinë, raporton Zeri.info.

“I dyshuari, mashkull kosovar, ka sulmuar zyrtarët policorë gjatë ndërhyrjes së tyre. Gjatë ballafaqimit dhe arrestimit të të dyshuarit, policët kanë pësuar lëndime të lehta trupore dhe kanë marrë trajtim mjekësor”, thuhet në njoftimin e PK-së.

Po ashtu, sipas njoftimit të PK-së, thuhet se gjatë kontrollit tek i dyshuari është gjetur dhe konfiskuar një armë zjarri – pistoletë, së bashku me një karikator që përmbante nëntë fishekë.

“Me vendim të prokurorit, pas intervistimit, i dyshuari është dërguar në mbajtje, ndërsa hetimet lidhur me rastin janë duke vazhduar”, thuhet në njoftim. /Zëri