Armëpushimi dyjavor SHBA - Iran, anijet e para kalojnë në ngushticën e Hormuzit

Dy anije kanë kaluar tranzit në ngushticën e Hormuzit që kur armëpushimi hyri në fuqi, të dyja duke u nisur nga portet iraniane dhe duke ndjekur rrugën përmes ujërave të kontrolluara nga Irani.

Anija transportuese e mallrave të mëdha NJ Earth, e ngarkuar në Bushehr, tani është nisur për në Indi. Anija tjetër, Daytona Beach, është gjithashtu një transportuese e mallrave të mëdha dhe u nis nga Bandar Abbas.

Duket se një numër i vogël anijesh të tjera po shkojnë në drejtim të ngushticës.

Të dhënat e gjurmimit të anijeve nga MarineTraffic tregojnë se dje pati 11 kalime detare, gjashtë të hënën dhe 14 të dielën.

Presidenti amerikan, Donald Trump tha të martën se kishte rënë dakord për një armëpushim dyjavor me Iranin, më pak se dy orë para afatit që kishte vendosur, ku deklaroi se do të shkatërrohej një “qytetërim i tërë”.

Trumpi deklaroi se ky vendim vjen pas bisedimeve me kryeministrin e Pakistanit, Shehbaz Sharif, dhe me shefin ushtarak pakistanez, Asim Munir.

Ai tha se marrëveshja e armëpushimit u arrit me kusht që Irani të pranonte të rihapte Ngushticën kritike të Hormuzit. /abcnews