Fisnik Asllani reagon pas humbjes: Dhimbja është e madhe, ishim afër historisë
Fisnik Asllani ka reaguar pas eliminimit të Kosovës nga Play-Off për kualifikim në Kampionatin Botëror.
Sulmuesi i talentuar ka qenë ndër lojtarët më të mirë në këto kualifikuese për Kosovën, duke shënuar edhe tri gola.
Asllani ka reaguar nëpërmjet një postimi në rrjetin social Instagram, duke thënë se nuk është veç një humbje, por një ëndërr e ndalur pak para fundit.
"Nuk është veç një humbje… është një ëndërr që u ndal pak para fundit, e dhamë shpirtin, besuam deri në sekondën e fundit, por fati nuk ishte në anën tonë".
"Dhimbja është e madhe, sepse e dinim sa afër ishim historisë… sa afër një momenti që do mbetej përgjithmonë".
"Por ne jemi Kosova dhe do të kthehemi më të fortë. Faleminderit Kosovë", shkroi Asllani.