Juventusi i uron fat Edon Zhegrovës për përballjen me Sllovakinë

Gjiganti italian Juventus i ka uruar fat sulmuesit Edon Zhegrova para përballjes ndaj Sllovakisë në kuadër të gjysmëfinales së play-offit të Kupës së Botës.

“Zonja e Vjetër” postoi në rrjetet sociale një foto të yllit kosovar, pak orë para se të nis ndeshja.

“Paç fat Edon. Kosova udhëton për t’u përballur me Sllovakinë këtë mbrëmje në gjysmëfinalen e play-offit të kualifikimit për Kupën e Botës”, thuhet ndër të tjera në komunikatë.

Juventusi vazhdimisht ka mbështetur Zhegrovën në secilën përballje që Kosova e ka zhvilluar edhe në kualifikueset e Botërorit disa muaj më parë.

Kujtojmë, në mediat italiane edhe kishte raportime se Zhegrova mund të jetë titullar në sistemin e Franco Fodas para përballjes me sllovakët.

Përndryshe, përballja mes Sllovakisë do të zhvillohet nga ora 20:45. /telegrafi

Lexo edhe:

Kosova pëson gol nga Sllovakia

Osmani: “Dardanët” tanë sonte luftojnë për një ëndërr

Turqia eliminon Rumaninë dhe kalon në finale të play-offit