Gjyqi i dytë ndaj Thaçit ecën shpejt, Specialja: Prokuroria duhet ta mbyllë rastin e saj deri më 18 mars

Gjykata Speciale ka njoftuar se pas marrjes në pyetje të dëshmitarit Christopher Kelly, ka përfunduar edhe procesi i dëshmisë së dëshmitarëve të Prokurorisë në rastin kundër Hashim Thaçit për aktakuzën e dytë për ndërhyrje në drejtësi.

Pas kësaj, Gjykata ka përcaktuar afatet e tjera procedurale, duke i kërkuar Prokurorisë të mbyllë rastin e saj deri më datën 18 mars.

“Pas dëshmisë së dëshmitarit, palët trajtuan çështjet e caktimit të afateve dhe hapat e mëtejshëm në procedurë. Në një urdhër me gojë, Gjykatësi i Vetëm caktoi afatet e mëposhtme, ndër të tjera:ZPS-ja duhet ta mbyllë çështjen e saj deri më 18 mars 2026. Ekipet e Mbrojtjes duhet të paraqesin çdo njoftim të Rregullës 130 (rrëzimin e akuzave) deri më 19 mars 2026. Çdo mocion në mbështetje të njoftimeve të tilla duhet të paraqitet deri më 25 mars 2026. ZPS-ja duhet të paraqesë përgjigjen e saj ndaj çdo mocioni të tillë deri më 1 prill 2026”, thuhet në komunikatë.

Derisa seanca e paraparë për 6 mars është shtyrë dhe do të njoftohet për të njëjtën në ditët në vijim.

 

Lexo edhe:

LVV-ja mbështet amendamentet e Presidentes Osmani për zgjedhjen e presidentit nga populli

NATO: KFOR-i vazhdon mandatin për siguri në Kosovë, SHBA-ja me rreth 600 trupa në mision

Haxhiu, mirëpret amendamentet e Osmanit që presidenti i vendit të zgjidhet nga populli