Zyrtare: Mesfushori francez Guendouzi kalon te Fenerbahçe

Mesfushori francez Matteo Guendouzi është transferuar te Fenerbahçe nga Lazio, ndërsa përpiqet të rimarrë një vend në ekipin kombëtar përpara Kupës së Botës.

Fenerbahçe po ndjek titullin e parë të ligës turke pas 12 vitesh dhe tha të enjten vonë se 26-vjeçari Guendouzi nënshkroi një kontratë 4 vjet e gjysmë.

Shuma për ish-lojtarin e Arsenalit dhe Marseille nuk u bë e ditur, megjithëse thuhet se ishte 28 milionë euro + 2 milionë bonuse.

Lajmin e kalimit të tij nga Lazio te Fenerbahçe e kishin dhënë para tri ditësh, ndërsa u zyrtarizua sot.