Vazhdon numërimi i votave të kandidatëve për deputetë

Në Qendrat Komunale të Numërimit edhe sot po vazhdon procesi i numërimit të votave të kandidatëve për deputetë dhe verifikimi i rezultateve të subjekteve politike nga formularët e plotësuar në vendvotime pas numërimit të fletëvotimeve.

KQZ-ja njofton se ky proces po bëhet duke ofruar transparencë të plotë dhe nën monitorimin e vëzhguesve.

Në platformën e rezultateve https://resultsparliamentary2025.kqz-ks.org/mcc po bëhet transmetimi i rezultateve nga QKN-ja.

Është përmbyllur verifikimi i rezultateve të subjekteve politike dhe numërimi i votave të kandidatëve për deputetë në 4 komunat: Han i Elezit, Shtërpcë, Junik dhe Mamushë.