Zjarr në një market në Tophane të Prishtinës

Një zjarr ka kapluar marketin “Viva Fresh Store” në lagjen Tophane në Prishtinë.

Lajmin për Klankosova.tv e ka konfirmuar zëvendëskomandant i brigadës së zjarrfikësve,  Abdusamed Shkodra.

Ai bëri të ditur se zjarri nuk e ka përfshirë të gjithë objektin, por vetëm zyrën e administratës.

Derisa bëri të ditur se për momentin nuk ka rrezik dhe çdo gjë është nën kontroll.

“Zjarri shpërtheu në orën 21:00, dhe bëhet fjalë për deponë e Vivës, ku në brendësi ka shpërthyer zjarri në zyrën e administratës. Vetëm për këtë zyrë bëhet fjalë. Nuk ka rrezik dhe çdo gjë është nën kontroll”, tha Shkodra.

Nuk dihet nëse nga ky zjarr ka të lënduar.