Bllokuan rrugën me kamion në Zubin Potok, policia interviston dy persona

Në komunën e Zubin Potokut është raportuar për një incident ku një mashkull dhe një femër dyshohen se kanë vendosur një kamion në rrugë, duke penguar qarkullimin normal të automjeteve.

Sipas Policisë së Kosovës, të dy personat e dyshuar janë shoqëruar për intervistim.

Pas marrjes së deklaratave dhe procedurave përkatëse, me vendim të prokurorit ata janë liruar në procedurë të rregullt.

Rasti është cilësuar si “sulm ndaj personit zyrtar”, përderisa Policia është duke vazhduar hetimet.

Raporti i plotë i Policisë, pa ndërhyrje:

SULM NDAJ PERSONIT ZYRTAR

Potok/ 29.11.2025-18:30. Dy të dyshuar një mashkull dhe një femër kanë vendosur kamionin në rrugë dhe kanë penguar lëvizjen. Të dyshuarit janë intervistuar dhe me vendim të prokurorit janë liruar në procedurë të rregullt. /Zëri