Rrufe në mars, pajisjet kapin shkarkesa elektrike në planetin e kuq

Zeusi leshon furine e tij ne Mars? Nje grup shkencetaresh franceze kanë regjistruar aktivitet elektrik në atmosferën e planetit te kuq për herë të parë, duke sugjeruar se rrufene jane te zakonshme edhe atje.

Shkarkimet elektrike të quajtura “vetëtima të vogla” u kapën nga regjistrimet audio dhe sinjalet elektromagnetike nepermjet Roverit Perseverance, i vendosur nga agjencia amerikane hapesinore qe prej vitit 2021 ne siperfaqen e planetit, me qellim misione kerkimore mbi shenjat biologjike te jetes.

Shkencëtarët shpresojnë që instrumente të reja për matjen e shkarkimeve atmosferike dhe kamera më të ndjeshme mund të dërgohen në Mars për të provuar dhe konfirmuar gjetjet.

Ekip studiues nga Franca analizoi 28 orë regjistrime audio të bëra nga roveri i NASA-s gjatë dy viteve marsiane (ose 1,374 ditëve tokësore).

Ata zbuluan se shkarkimet elektrike normalisht shoqëroheshin me stuhi pluhuri, dhe vorbulla te vogla qe formohen nga ajri i nxehte qe ngrihet nga siperfaqja tokesore e planetit.

Në shtator të këtij viti, shkencëtarët gjetën shkëmbinj me shenja të pazakonta në Mars.

Shenjat interesante, të quajtura njolla leopardi dhe fara lulekuqeje, përmbajnë minerale të prodhuara nga reaksione kimike që mund të shoqërohen me mikrobe të lashta.

Është e mundur që mineralet të jenë prodhuar nga procese gjeologjike natyrore, por NASA tha se tiparet mund të jenë shenja te mirefillta te jetes ne planet.

Sot, Marsi është një shkretëtirë e ftohtë dhe e thatë. Por miliarda vjet më parë ka prova se ai kishte një atmosferë të trashë dhe ujë, duke e bërë atë një vend premtues për të kërkuar jetë.