Adem Jashari me maskë – historia prapa fotografisë që e bënë amerikanët në vitin 1998

Një ekip gazetarësh amerikanë në janarin e vitit 1998, vizitoi Prekazin. Për t’i pritur kishte dalë vet komandanti legjendar Adem Jashari. Atë ditë u realizuan edhe disa fotografi ku komandanti legjendar bashkë me Ilaz e Hasan Kodrën shihen të maskuar. Por, cila janë prapaskenat dhe si u realizua kjo fotografi e cila rrallë u shfaq në publik, për Tëvë1 e ka zbuluar vet Hasan Kodra.

Lajmi iu erdhi se po vinte një ekip i huajsh gazetarësh.

Kështu, Prekazi në fillim të vitit 1998, u bë gati që opinionit botëror, t’ia prezantonte për herë të parë Ushtrinë Çlirimtare të Kosovës.

Vendpritja për ta, u caktua Kulla e Ilaz Kodrës në Prekazin e Poshtëm.

E nikoqirët, ishin vet komandantët e UÇK-së, në krye me Adem Jasharin.

Por, para se intervista të fillonte, fillimisht u kërkuan disa fotografi.

“Njëri prej fotografëve që ishte me ta së bashku, ishte i ndjeri Haqif Mulliqi, bashkë me ta, i kemi bërë disa foto të ndryshme në oborr, por jo me maska. Ata (fotografët e NY Times) e panë të arsyeshme t’i bëjmë disa fotografi me maska…..Atëherë pozita ku ishim në oborr nuk ishte e mirë (e identifikueshme) kërkuan ta bëjmë një fotografi pranë një muri që ishte afër shtëpisë së komandantit, Ilaz Kodra”, thotë Hasan Kodra , bashkëlufetar i Adem Jasharit.

Para gazetarëve amerikanë të New York Times, dolën tre burra të maskuar e me uniforma ushtarake.

Kështu lindi edhe kjo fotografi, e cila rrallë herë e shfaq në publik.

Por, kjo nuk është fotografia e vetme që gazetarët amerikanë e bën atë ditë në Prekaz.

Vet Hasan Kodra ka zbuluar edhe këto fotografi, në të cilat shihet komandanti legjendar, Adem Jashari i maskuar.

Nga këtu, bashkë me ekipin e gazetarëve u kthyen në kullën e Ilaz Kodrës.

Përgjegjësinë për ta dhënë intervistën pa maskë, e mori Hamëz Jashari.

Por ky i fundit, urdhëroi që vetëm një njeri brenda odës, të qëndronte i maskuar.

“Hamza para se mu ulë, na u drejtua neve që ju jeni vetëm valltar ndërsa unë e udhëheq vallen. Do të thotë Hamza do ta bëj intervistën, mua mu drejtua mësues, mos e heq maskën, sepse je duke punuar në Arsim”, rrëfen Kodra.

Vetëm dy muaj pas kësaj interviste, forcat serbe me 5 mars të vitit 1998, sulmuan lagjen Jashari në Prekaz.