Labinot Rexha e pranon në Big Brother VIP Kosova: Po, i kam bërë buzët botoks - më pëlqejnë
Labinot Rexha, banori më i ri në shtëpinë e Big Brother VIP Kosova 4, ka bërë një deklaratë të hapur që ka ngjallur menjëherë reagime brenda dhe jashtë shtëpisë.
Gjatë një debati të nxehtë me Sasën, ku ajo aludoi se Labi mund të ketë preferenca për meshkuj, ai vendosi të flasë hapur lidhur me pamjen e tij. Me një ton të qetë dhe plot siguri, Labi pranoi se ka bërë ndërhyrje estetike në buzë.
“Po, i kam bërë. Më pëlqejnë”, u shpreh ai, duke i mbyllur të gjitha dilemat rreth ndryshimeve në pamjen e tij fizike.
Ky moment është diskutuar gjerësisht në rrjetet sociale, ku një pjesë e ndjekësve e kanë përgëzuar për sinqeritetin dhe vetëbesimin, ndërsa të tjerë kanë komentuar dinamiken e debatit mes tij dhe Sasës.
Me gjithë debatet dhe tensionet, një gjë është e qartë — hyrja e Labit ka sjellë energji të reja dhe tema të reja diskutimi në Big Brother VIP Kosova 4.