Ndërprerje Globale e Internetit: Faqe interneti jashtë funksionit për shkak të problemeve teknike në Cloudflare

Disa faqe internetit në të gjithë botën, përfshi edhe në Shqipëri, duket se kanë ndaluar së punuari të martën pas një problemi teknik me Cloudflare. Mes tyre edhe rrjete sociale, si X.

Cloudflare është një infrastrukturë interneti që ofron shumë nga teknologjitë kryesore që fuqizojnë përvojat e sotme online. Kjo përfshin mjete që mbrojnë faqet e internetit nga sulmet kibernetike dhe sigurojnë që ato të qëndrojnë online mes trafikut të rënduar, për shembull.

“Cloudflare është në dijeni dhe po heton një problem që potencialisht ndikon shumë klientë: Paneli i Kontrollit dhe API i Cloudflare gjithashtu kanë rënë,” tha kompania në një përditësim të ri.

“Ne po vazhdojmë ta hetojmë këtë problem.”

Sipas Independent UK, faqja e internetit e ndjekjes Doën Detector, e cila monitoron ndërprerjet, u godit gjithashtu nga vetë problemet teknike. Por kur u ngarkua, tregoi një rritje dramatike të problemeve.

Përdoruesit e prekur panë një mesazh që tregonte se kishte një “gabim të brendshëm të serverit në rrjetin e Cloudflare”. /abcnews