Shiten të gjitha biletat e ndeshjes Shqipëri – Angli

Janë shitur të gjitha biletat e ndeshjes Shqipëri – Angli, në kuadër të kualifikimeve në Kampionatin Botëror 2026.

Lajmi është konfirmuar nga vetë Federata Shqiptare e Futbollit, përmes një postimi në rrjetet sociale, transmeton “Zëri”.

Ndeshja Shqipëri – Angli do të zhvillohet të dielën në orën 18:00, në stadiumin “Air Albania”.

Kuqezinjtë renditen në pozitën e dytë në tabelë me 11 pikë, kurse Anglia e para me 18 sosh. /Zëri