Raportohet se këta janë dy vëllezërit që sot u vranë nga dhëndri i tyre

Është publikuar identiteti i dy vëllezërve që sot u vranë me armë zjarri në fshatin Gullbovc të Malishevës.

Sinjali mëson se viktimat janë: Driton Morina dhe Naim Morina.

Të dy u qëlluan për vdekje para derës së shtëpisë së tyre, në momentin kur familja është ende në ditë zie për vdekjen e babait, i cili ishte varrosur para pak ditësh.

Personi i dyshuar për vrasjen u raportua se është Astrit Isufi, bashkëshorti i motrës së viktimave. Ajo kishte ardhur në shtëpinë e vëllezërve për të marrë pjesë në ceremoninë mortore të babait të tyre.