Ylli i “Frasier” bëhet baba për herë të tetë në moshën 70-vjeçare

Aktori Kelsey Grammer (70 vjeçar), i njohur më së miri për rolin e tij në serialin "Frasier", është bërë baba për herë të tetë.

Ai dhe gruaja e tij Kayte Walsh së fundmi mirëpritën një djalë, të cilin e quajtën Christopher.

I njëjti e njoftoi lajmin gjatë një paraqitjeje si i ftuar në podcast-in "Pod Meets World", duke i habitur prezantuesit dhe dëgjuesit.

"Ndodhi tre ditë më parë. Christopher sapo u bashkua me familjen tonë", tha aktori 70-vjeçar me një buzëqeshje.

Ky është fëmija i tetë i aktorit të famshëm dhe i katërti me gruan e tij Kayte Walsh.

Çifti tashmë ka tre fëmijë - vajzën Faith (13 vjeçare), djalin Gabriel (11 vjeç) dhe djalin James (8 vjeç).

Grammer u bë baba për herë të parë në vitin 1983, kur pati një vajzë, Spencer, e cila tani është 43 vjeçare me ish-gruan e tij, Doreen Alderman.

Pas divorcit të tyre në vitin 1990, ai pati një vajzë Greer (33 vjeçare), me të dashurën e tij të atëhershme Barrie Buckner.

Gjatë martesës së tij me Camille, Kelsey filloi një lidhje me ish-asistenten Kayte Walsh, me të cilën u martua në shkurt të vitit 2011 në New York.

Kujtojmë se lajmi se ata presin po fëmijën e tyre të tetë u përhap në qershor të këtij viti, kur paparacët në Londër fotografuan Kayte me barkun shtatzënë me një fustan blu të gjatë dhe një triko të ndezur.