Bugaqku: Dinari vazhdon të qarkullojë në Kosovë dhe jo vetëm në veri

Vullnet Bugaqku nga KDI-ja deklaroi se ndonëse çështja e dinarit është përdorur politikisht, në praktikë dinari vazhdon të qarkullojë pa pengesa në Kosovë, duke përfshirë edhe komunat jashtë veriut.

Ai madje e tregoi një përvojë personale që i ka ndodhur para një jave në Kamenicë.

“Dinari nuk është hequr, është duke u përdorur jo vetëm në veri, por edhe në pjesë të tjera të Kosovës, si në Graçanicë. Madje, para një jave, unë dhe një koleg paguam me euro në një dyqan në Kamenicë dhe na u kthyen paratë në dinar. Dinari është duke qarkulluar nuk ka ndonjë pengesë. Politikisht është shfrytëzuar si temë, por në praktikë nuk ka asnjë mjet të dinarit që nuk qarkullon në Republikën e Kosovës”, theksoi Bugaqku në Rtv 21.