Dua Lipa merr ndihmë mjekësore pasi pësoi një lëndim në shpatull gjatë turneut në Amerikë
Këngëtarja shqiptare me famë botërore, Dua Lipa, 30 vjeçe, raportohet se ka pësuar një lëndim trupor gjatë turneut të saj në Amerikë dhe ka pasur nevojë të kontrollohet nga një radiolog para se t’i jepet drita jeshile për të vazhduar performancat.
Fansat u alarmuan kur e panë këngëtaren me shenja të errëta në shpatull, duke ngritur shqetësime se mund të kishte dëmtuar rëndë veten, shkruan DailyMail.
Megjithatë, sipas gazetës The Sun, Dua ka marrë lejen për të vazhduar turneun pas kontrollit mjekësor dhe pasi dëmtimi ka ndodhur gjatë disa momenteve të pushimit nga performancat.
Një burim pranë saj tha se këngëtarja i është nënshtruar trajtimeve të fizioterapisë për rikuperim të plotë, por turneu do të vazhdojë pa ndërprerje.
"Lëndimi ndodhi gjatë një kohe pushimi nga turneu. Ka qenë e dhimbshme, por pas kontrollit nga radiologu, i është dhënë drita jeshile. Turneu do të vazhdojë ashtu siç ishte planifikuar. Thjesht një prej këtyre situatave", tha burimi.
Përveç sfidave shëndetësore, së fundmi u bë e ditur se Dua Lipa ka ndarë rrugët me agjentin e saj, David Levy, pas përfshirjes së tij në një fushatë kundër grupit pro-palestinez "Kneecap", pasi ai thuhet se synonte të ndalonte performancën e tyre në festivalin Glastonbury, duke pretenduar se grupi po ushqente antisemitizmin.
Levy ishte nënshkruesi i parë i një letre që i kërkonte themeluesit të festivalit, Michael Eavis, dhe vajzës së tij, Emily, të hiqnin nga lista këngëtarët e Belfastit, të cilët akuzoheshin për mbështetje të terroristëve të Hezbollah.
Letra, e cila ishte e private dhe konfidenciale rrodhi më vonë, duke zbuluar qëndrimin e agjentëve ndaj artistëve që përfaqësonin.
Kjo situatë shkaktoi që Dua, e cila është një mbështetëse e hapur e Palestinës, të ndalonte bashkëpunimin me Levy-n, së bashku me grupin Massive Attack, për qëndrimet e tij.
"Dua siguroi që David Levy të mos punonte më me muzikën e saj. Ajo është shumë e hapur në mbështetje të Palestinës, dhe kjo nuk përputhet me qëndrimin e David. Ajo e sheh atë si mbështetës të luftës së Izraelit në Gaza dhe trajtimit të tmerrshëm të palestinezëve, gjë që ishte shumë e qartë në letrën që ai nënshkroi dhe i dërgoi Michael Eavis", tha një burim i industrisë muzikore.
Dua mbeti në të njëjtën kompani të talenteve, William Morris Endeavor, por tani përfaqësohet nga një agjent tjetër brenda kompanisë.
Edhe pse Levy protestoi, Kneecap performoi në Glastonbury, dhe megjithëse policia mori ankesat për performancën e tyre, vendosi të mos ndërmarrë veprime të mëtejshme.