John Duncan për Kadri Veselin: Ishte person me funksion të lartë në zbulim

Dëshmitari John Duncan, duke iu referuar një videoje të një takimi që ishte mbajtur në mes të komandantëve të zonave dhe persona të tjerë nga UÇK-ja, ku zhvilloheshin negociatat për marrëveshjen e demilitarizimit, tha se Kadri Veselin ishte një person me funksion të lartë në zbulim.

“Me sa më kujtohet mua, është një person me funksion të lartë dhe në funksionin policor dhe të zbulimit”, tha ai.

Ai tha se nuk e thotë dot se si e di këtë gjë për Kadri Veselin.

Prokurori Matt Halling pyeti dëshmitarin se a ka arsye për të kundërshtuar nëse i thuhet se ky person është Kadri Veseli.

Duncani tha se nuk ka arsye për ta bërë një gjë të tillë.

Më pas dëshmitarit iu prezantua një fotografi tjetër, në të cilën shiheshin katër persona, që për tre prej tyre tha se kanë qenë komandantë të zonave, duke përfshirë edhe Rrustem Mustafën - Remin.