ABC ndërpreu transmetimin e emisionit të Jimmy Kimmelit, pas komenteve të komedianit për rastin tragjik të Charlie Kirkut

ABC ka ndërprerë transmetimin e emisionit të Jimmy Kimmelit pa afat, për shkak të komenteve që ai bëri lidhur me vrasjen e influencuesit të djathtë, Charlie Kirk.

"Emisioni Jimmy Kimmel Live do të ndërpritet për një kohë të pacaktuar", tha një zëdhënës i rrjetit televiziv në pronësi të Disneyt.

Më herët gjatë javës, Kimmeli deklaroi në emisionin e tij se "grupi MAGA" (mbështetësit e Trump) po përpiqeshin të përfitonin politikisht nga vrasja e Kirk.

Me vrasjen e Kirkut është arrestuar një i dyshuar 22-vjeçar, i cili doli në gjykatë të martën.

Gjatë monologut të së hënës mbrëma, Kimmel tha:

"Grupi MAGA po përpiqet me çdo kusht të paraqesë djalin që vrau Charlie Kirk si dikë që nuk ka lidhje me ta, ndërkohë që po përpiqen të fitojnë pikë politike nga kjo ngjarje".

Ai gjithashtu kritikoi vendimin për të ulur flamujt në gjysmë shtize në nder të Kirkut dhe u tall me mënyrën se si ish-presidenti Donald Trump reagoi ndaj ngjarjes.

"Kjo nuk është mënyra si një i rritur vajton vdekjen e një miku. Është mënyra si një katërvjeçar qan kur i ngordh peshku i artë", tha Kimmeli, i cili shpesh ka bërë humor me Trumpin.

Në ditën e vrasjes së Kirkut, Kimmeli kishte bërë një postim në Instagram, ku dënonte sulmin dhe shprehte ngushëllimet për familjen e tij.