AGK-ja e mirëpret arrestimit e kërcënuesit të Kajtazit, pret ngritje të shpejtë të aktakuzës

Asociacioni i Gazetarëve të Kosovës e ka mirëpritur arrestimin e 61-vjeçarit nga Mitrovica e Veriut, Hysni Menxhiqi, për kërcënimin me vrasje ndaj gazetarit Vehbi Kajtazi.

AGK-ja tha se pret që Prokuroria të proecdojë shpejt me ngritjen e aktakuzës ndaj Menxhiqit për kanosjen serioze me jetë të gazetarit Kajtazi.

“AGK-ja është e shokuar dhe thellësisht e shqetësuar me përmbajtjen kërcënuese për jetë ndaj Kajtazit, dhe mirëpret arrestimin e personit në fjalë nga Policia e Kosovës”.

“AGK-ja pret që Prokuroria të procedojë shpejt me ngritjen e aktakuzës për këtë kanosje serioze ndaj jetës së Kajtazit dhe që të zhvillohet një proces për vendosjen e drejtësisë”, thuhet në reagim.

Kërcënuesit Menxhiqi, policia ia ka caktuar masën e paraburgimit prej 48 orësh.