Agjenti i Xhakës zbulon pse mesfushori u largua nga Leverkuseni për te Sund

Kur Granit Xhaka i habiti shumë njerëz duke shkëmbyer kampionët e Bundesligës, Bayer Leverkusen, me Sunderlandin e sapongjitur në Ligën Premier këtë verë, në të gjithë Evropën u ngritën vetullat në befasi.

Si mundet një nga mesfushorët më me përvojë të Evropës, i sapoardhur nga gara për trofe në Gjermani, të shkëmbejë futbollin e Ligës së Kampionëve për një betejë të mundshme për rënie nga kategoria në Angli?

Për të gjetur përgjigjet, faqja Flashscore foli ekskluzivisht me agjentin e Xhakës, Jose Noguera, i cili hodhi dritë mbi motivet pas këtij transferimi dhe vizionin që e bindi klientin e tij të merrte përsipër një nga sfidat më të guximshme të karrierës së tij.

Çfarë e shtyu Xhakën të vendoste të largohej nga Bayer Leverkusen pas një periudhe të suksesshme?

“Pas dy vitesh, Xhakës i duhej një sfidë e re. Kjo ishte bindja e tij”, ka thënë fillimisht Noguera.

Si e bindi Sunderland atë, cila ishte propozimi i tyre?

“Biseda e parë ishte në telefon me pronarin, Kyril Louis-Dreyfus, i cili është gjithashtu nga Zvicra dhe shumë i ri. Xhaka u lidh shumë mirë me Louis-Dreyfus dhe e pëlqeu vizionin që iu prezantua”.

Në çfarë pike dëgjoi Xhaka për interesin e Sunderlandit dhe sa shpejt lëvizën gjërat pas kësaj?

“Kyril Louis-Dreyfus e telefonoi Xhakën drejtpërdrejt dhe e pyeti nëse do të ishte i interesuar të fillonte projektin e Sunderlandit me të. Xhaka më pas e referoi tek unë, agjenti i tij, dhe më pas filluan diskutimet”.

A kishte interes nga klubet e Ligës Premier ose të Ligës së Kampionëve për nënshkrimin e Xhakës?

“Xhaka kishte shumë interes nga klubet e Ligës Premier dhe Ligës së Kampionëve dhe refuzoi tre oferta të mëdha për t’u bashkuar me Sunderland këtë verë”.

Sa rëndësi pati projekti dhe ambiciet e ardhshme të Sunderlandit në vendimin e tij?

“Xhaka zakonisht luan në klube ku bëhet fjalë për Ligën e Kampionëve, tituj lige, finale kupash etj. Megjithatë, ai donte të provonte diçka të re sepse dëshiron të bëhet trajner në të ardhmen. Kështu që ai e sheh këtë si një përvojë të re për të mësuar”.

Çfarë roli luajti familja e Xhakës në vendimin e tij për t’u bashkuar me Sunderlandin?

“Familja e Xhakës luajti një rol shumë të madh që ai të bashkohej me Sunderlandin. Pasi gruaja dhe tre fëmijët e tij ishin të gatshëm të bënin transferimin me të, ai pranoi sepse familja e tij është shumë e rëndësishme për të”.

Si e sheh ai Ligën Premier krahasuar me Bundesligën?

“Futbolli në Angli luhet në një nivel shumë të lartë. Ka më shumë të bëjë me fizikalitetin dhe ndoshta më pak me aspektin teknik. Shumë lojtarë të mëdhenj vijnë në Angli dhe e kuptojnë se duhet të përmirësojnë nivelin e tyre dhe shpesh u duhet kohë për t’u përshtatur”, përfundoi agjenti i Xhakës.