Qentë endacakë sulmojnë një fëmijë në Mitrovicë, bëhet thirrje për masa urgjente [foto]

Një vajzë e vogël nga Mitrovica është sulmuar të dielën nga qentë endacakë.

Këtë e bëri të ditur nëna e saj, Metihe Dadi-Kastrati, e cila publikoi edhe fotografitë e lëndimit të vajzës.

Sipas saj, përveç vajzës së saj janë sulmuar edhe familjarë të tjerë dhe se ky problem me qentë është tash e një kohë, raporton Zeri.info.

“Henna sot, n’pike te dites n’ora 13:20, tu shku te tezja vetem (qe asht afer nesh 50 metra), e sulmuen qentë. Une krejt skenen e pash prej dritares se banjos, masi e niva zanin e trisht te qikes tu bertite. Kur dola me vrap poshte me i ndjek qent e me i gju me gure, Henna, n’krejt sikletin e vet, tu u dridh e tu kajt me denese m’tha: Le nana, le mos i gju se mos i myt, se vine ata njerzit me i marre (qika ju referojke “atyne njerzve” qe na i presim tash e tre vjet – dmth aloooo Komuna e Mitrovicës)”, shkroi ajo ndër tjera në Facebook. /Zëri