Policia në Zveçan arreston dy persona, dyshohen për vjedhje të pyllit

Policia e Kosovës ka njoftuar sot se të enjten, rreth orës 18:20, në Stacionin Policor në Zveçan është raportuar një rast i vjedhjes së pyllit.

Policia thotë se njësitë e saj i janë përgjigjur menjëherë thirrjes dhe kanë dalë në vendin e ngjarjes, ku kanë hasur në dy persona, të cilët ishin me traktor me rimorkio të ngarkuar me dru.

“Të dyshuarit, E.B. (34 vjeç) dhe S.B. (42 vjeç) janë arrestuar dhe janë intervistuar nga hetuesit policorë. Pas përfundimit të procedurave të nevojshme, me urdhër të prokurorit të Shtetit të njëjtët janë liruar në procedurë të rregullt, ndërsa ndaj tyre është iniciuar rast për veprën penale ‘Vjedhje e pyllit’”, thuhet në njoftimin e Policisë. /Zëri