Të përzierat në shtatzëni nuk ndodhin vetëm në mëngjes

E njohur si “sëmundja e mëngjesit”, kjo gjendje karakterizohet nga të përzierat dhe të vjellat gjatë shtatzënisë.

Megjithatë, termi “mëngjes” është paksa i pasaktë, pasi shumë gra shtatzëna e përjetojnë këtë shqetësim në çdo moment të ditës apo natës. Rreth 75% e grave përjetojnë këto simptoma, zakonisht gjatë tremujorit të parë, shkruan burimi Medical Xpress transmeton Gazeta Shneta.Ndjeshmëria e shtuar ndaj aromave gjatë shtatzënisë mund të përkeqësojë ndjesinë e të përzierave dhe të shkaktojë neveri ndaj ushqimeve të caktuara. Për shumicën, simptomat fillojnë të qetësohen pas javës së 12-të deri në të 16-tën të shtatzënisë.

Për të lehtësuar këto shqetësime, mund të ndihmojnë metoda plotësuese si akupunktura, akupresura dhe hipnoza, të cilat janë të sigurta dhe shpesh efektive. Larja e rregullt e gojës është gjithashtu e rëndësishme, pasi ndihmon në ruajtjen e higjienës orale dhe zvogëlon rrezikun e dëmtimit të dhëmbëve nga të vjellat.

Marrja e vitaminave prenatale në momentin e ditës kur të përzierat janë më të lehta mund të ndihmojë. Vitaminat me çlirim të ngadaltë, veçanërisht ato të pasura me vitaminë B6, mund të zvogëlojnë simptomat. Nëse keni vështirësi me gëlltitjen e pilulës, provoni ta merrni me ushqim.

Për raste të rënda, është e rëndësishme të këshilloheni me mjekun për opsione të sigurta me recetë që ndihmojnë në menaxhimin e të përzierave gjatë shtatzënisë.