Aksident mes dy veturave në Gjakovë, lëndohet një person

Një aksident mes dy veturave ka ndodhur mëngjesin e sotëm në Gjakovë, ku një person ka pësuar lëndime.

Zëdhënësi i Policisë për Rajonin e Gjakovës, Sheremet Elezaj, konfirmoi se aksidenti ka ndodhur rreth orës 08:40.

“Rreth orës 08:40 është raportuar aksident trafiku në fshatin Meje në Gjakovë (rruga Gjakovë-Ponoshec). Policia ka dalë në vendin e ngjarjes ku të përfshirë në aksident kanë qenë dy automjete. Përveç dëmeve materiale një person ka pësuar lëndime të lehta trupore”, tha ai.

Tutje Elezaj tha se Njësia Rajonale e Komunikacionit Rrugor është duke e trajtuar rastin.