Arrestohet një person, dyshohet për lidhje me rastin e kapjes së kosovarit me 11 pushkë në Kroaci

Një person është arrestuar nga Sektori i Hetimeve të Departamentit të Policisë Kufitare në Gjilan nën dyshimin se ka lidhje me një rast të gjetjes së armëve nga autoritetet kosovare në kufirin Serbi-Kroaci në qershor.

“I dyshuari me vendim të prokurorit është dërguar në mbajtje”, bën të ditur Policia në raportin ditor.

Bëhet fjalë për rastin e ndodhur më 4 qershor të këtij viti kur zyrtarët doganorë të Kroacisë kishin kapur 11 pushkë automatike në veturën e një shtetasi të Kosovës.

Armët u gjetën gjatë kontrollit të një automjeti mallrash i cili përdorej për transportimin e makinave.