EULEX-i kërkon sqarim të plotë për vdekjen e Agon Zejnullahut

Shefi i Misionit të EULEX-it në Kosovë, Giovanni Pietro Barbano, ka kërkuar sqarim të plotë dhe transparent për vdekjen e 27-vjeçarit Agon Zejnullahu, i cili ndërroi jetë në Lipjan pas ndërhyrjes së pesë zyrtarëve policorë tashmë të arrestuar.

“Marrë parasysh fillimin e menjëhershëm të hetimeve nga Inspektorati Policor i Kosovës pas vdekjes së një personi në Lipjan, presim që autoritetet kompetente të sqarojnë plotësisht dhe në mënyrë transparente rrethanat e rastit, duke respektuar plotësisht sundimin e ligjit dhe standardet e të drejtave të njeriut”, deklaroi Barbano në platformën ‘X’.

Prokuroria Themelore në Prishtinë e ka kualifikuar rastin si “vrasje nga pakujdesia”, ndërkohë që pesë zyrtarët policorë të përfshirë janë ndaluar për 48 orë dhe janë pezulluar nga detyra.