Galaxy Tab S10 FE & S10 FE+, tableti që e ndjek stilin tënd të jetesës

Samsung Galaxy sjell një kapitull të ri në botën e tabletëve me prezantimin e Tab S10 FE dhe FE+, pajisje që ofrojnë performancë të lartë, përvoja të avancuara me inteligjencë artificiale dhe dizajn premium, të gjitha në një paketë më të përballueshme.

Me një ekran më të madh, funksione më të zgjuara dhe ndërlidhje të thellë me ekosistemin Galaxy, këto modele të reja FE janë ndërtuar për të mbështetur stilin e sotëm të jetesës, ku puna, mësimi dhe argëtimi janë të ndërthurura çdo ditë.

Një ekran i madh për përvoja unike

Galaxy Tab S10 FE+ vjen me një ekran 13.1 inç, ekrani më i madh ndonjëherë për serinë FE dhe bezela të holla që zgjerojnë hapësirën vizuale, duke e bërë përvojën e shikimit më imersive se kurrë.

Vision Booster optimizon ndriçimin automatikisht, ndërsa emisioni i dritës blu reduktohet për të mbrojtur sytë gjatë përdorimit afatgjatë.

Tab S10 FE dhe FE+ nuk bëjnë kompromis kur vjen puna te performanca. Me përmirësime të dukshme në shpejtësi dhe menaxhimin e aplikacioneve, këto tableta mbështesin multitasking-un dhe kalimin pa probleme nga puna në lojë. Kamera e pasme e përmirësuar 13MP siguron foto të qarta dhe të detajuara, qoftë për dokumentim në klasë apo në zyrë.

Edhe më lehtë për t’u marrë me vete, Tab S10 FE tani është 4% më i lehtë se paraardhësi, por ofron më shumë qëndrueshmëri falë certifikimit IP68 kundër ujit dhe pluhurit.

Inteligjencë artificiale për çdo skenar

Për herë të parë, modelet FE vijnë me funksione të avancuara Galaxy AI që u japin përdoruesve më shumë kontroll dhe efikasitet. Me Circle to Search, thjesht rrethoni një objekt në ekran dhe merrni menjëherë informacion pa dalë nga aplikacioni. Samsung Notes sjell ndihmës të mençur si Solve Math për zgjidhje automatike të ekuacioneve dhe Handwriting Help për të rregulluar shënimet me dorë.

Butoni i dedikuar Galaxy AI Key në tastierën Book Cover Keyboard ju lidh me ndihmësin AI me një prekje, ndërsa përvoja personalizohet sipas stilit tuaj.

Funksione të tjera krijuese përfshijnë Object Eraser për të hequr elementë të padëshiruar nga fotot, Best Face për të kombinuar fytyrat më të mira në një grup-foto dhe Auto Trim, që përzgjedh momentet më të bukura nga videot për të krijuar video të shkurtra emocionuese.

Siguria është prioritet me Samsung Knox, platformën me shumë shtresa mbrojtjeje që ruan të dhënat tuaja personale kundër rreziqeve të jashtme dhe sulmeve të mundshme.

Me mbrojtje të harduerit, enkriptim të plotë të të dhënave dhe monitorim të vazhdueshëm të kërcënimeve, Galaxy Tab S10 FE ju siguron paqe mendore në çdo përdorim.

Për më shumë informacion mbi produktet Samsung, vizitoni https://www.samsung.com/al/.