Ky është njeriu që i zotëron 450 vetura

Rodger Dudding është një biznesmen britanik dhe një nga koleksionistët më të mëdhenj të veturave në Evropë.

I njohur për pasionin e tij të rrallë dhe të jashtëzakonshëm për automjetet, ai ka mbledhur mbi 450 vetura gjatë më shumë se 50 viteve, përcjell Telegrafi.

Koleksioni i tij, i quajtur Studio434, përfshin vetura klasike, të rralla, luksoze dhe historike, duke filluar nga vitet 1900 deri te modelet moderne.

Ai është veçanërisht i njohur për zotërimin e 24 modeleve Aston Martin Lagonda, që përbëjnë një pjesë të konsiderueshme të prodhimit global të këtij modeli.

Ndryshe, Dudding nuk është vetëm një koleksionist, por edhe një sipërmarrës i suksesshëm në fushën e magazinimit dhe pronave.

Pasuria e tij dhe përkushtimi ndaj ruajtjes së historisë automobilistike e kanë bërë atë një figurë të respektuar ndër koleksionistët dhe adhuruesit e veturave.