Vedat Muriqi në formacionin e muajit në La Liga

Sulmuesi i kombëtares së Kosovës, Vedat Muriqi gjatë muajit shkurt e ‘prishi’ agjërimin e golave.

Muriqi shënoi tre të tillë gjatë katër ndeshjeve të La Ligas, duke nisur nga 1 shkurti e duke e mbyllur me 24 shkurt.

Muriqi luajti 90 minuta në ndeshjen ndaj Atleticos më 1 shkurt, por nuk arriti të gjejë golin, me Mallorcan e tij që u mposht 2-0.

Në ndeshjen e radhës, Osasuna ishte kundërshtari i Mallorcas, me Muriqin që gjeti golin nga penalltia.

Ndaj Las Palmas më 16 shkurt, sulmuesi dardan u ndez edhe më shumë, duke shënuar dy gola.

Kështu, “ËhoScored” e ka vendosur Muriqin në ekipin e muajit në La Liga, duke e vlerësuar me notën 7.62.

Vedat Muriqi deri më tani këtë edicion ka gjashtë gola të shënuar, dhe ka dhuruar edhe dy asistime në La Liga.