Selena Gomez humb mbi 800 mijë ndjekës në Instagram pas videos emocionale për emigrantët

Selena Gomez ka humbur mbi 800 mijë ndjekës në Instagram gjatë 30 ditëve të fundit, pas reagimeve të ashpra ndaj një videoje ku ajo qante për dëbimet e emigrantëve pa dokumente nga SHBA.

Videoja, që u fshi shpejt nga artistja, shkaktoi polemika, veçanërisht mes mbështetësve republikanë, përfshirë kandidatin për Senat, Sam Parker, i cili sugjeroi se Gomez duhet të dëbohej.

Postimi gjithashtu ndodhi në një moment delikat për karrierën e saj, pasi filmi i saj “Emilia Perez” u nominua për 13 çmime ‘Oscar’, por mori kritika për performancën dhe spanjishten e saj, shkruan DailyMail.

Një burim për MailOnline tha se Gomez u tërhoq nga deklarata e saj politike për të mos larguar fansat konservatorë të markës së saj të bukurisë, ‘Rare Beauty’.

Ajo besohet të jetë e pasionuar për çështjen e emigracionit, por e shqetësuar se mesazhi i saj u keqkuptua për shkak të emocioneve të forta në video.

Ndërkohë, personalitete si Piers Morgan e kritikuan atë për “narcisizëm”, ndërsa ish-shefi i ICE, Tom Homan, mbrojti politikën e dëbimeve.

Pavarësisht debatit, Gomez vazhdon të përdorë platformën e saj për të folur mbi çështjet sociale. /telegrafi