Abdixhiku takon ambasadorin britanik, flasin për zgjedhjet dhe projektet e LDK-së

Kandidati për kryeministër të Kosovës, Lumir Abdixhiku, ka pritur në selinë qendrore të LDK-së ambasadorin britanik, Jonathan Hargreaves.

Në takimin me ambasadorin, Abdixhiku njofton se bisedoi për rrjedhën e tubimeve dhe për projektet e mëdha që ai synon t’i realizojë në rast se del fitues në zgjedhjet e 9 shkurtit.

Po ashtu, kreu i LDK-së, kandidat për kryeministër, thotë se para ambasadorit u zotua që pas 9 shkurtit Republika e Kosovës do të rikuperojë pozicionin e saj ndërkombëtar, si dhe do të avancojë interesat strategjike.