Pas komenteve të Trumpit për Grenlandën, Franca: BE-ja s’do t’i tolerojë sulmet në kufijtë e saj

Bashkimi Evropian nuk do t’i lejojë vendet e tjera të sulmojnë kufijtë e tij sovranë, tha të mërkurën ministri i Jashtëm i Francës, duke iu përgjigjur komenteve të presidentit të zgjedhur të SHBA-së, Donald Trump, për të marrën nën kontroll Grenlandën.

Trumpi refuzoi të hënën të përjashtonte veprimet ushtarake ose ekonomike si pjesë e dëshirës së tij të shpallur për të marrë kontrollin e Grenlandës nga SHBA-ja, si dhe Kanalin e Panamasë, transmeton Klankosova.tv.

Ministri i Jashtëm francez Jean-Noel Barrot tha se ai nuk besonte se SHBA-ja do të pushtonte ishullin e gjerë Arktik që ka qenë pjesë e Danimarkës për më shumë se 600 vjet, raporton Reuters.