Kida së shpejti me album të ri

Orhidea Latifi, e njohur me emrin artistik Kida, ka paralajmëruar se është duke punuar në një album të ri.

Këtë e bëri të ditur përmes një postimi në ‘InstaStory’, derisa theksoi gjithashtu se një këngë të cilën e ka për qejfi do ta lansojë në janar.

“Albumi im më i ri është në rrugë e sipër. Viti 2025 do të jetë një vit i çmendur!”, ka shkruar Kida në postimin e saj.

“Kënga ime e preferuar po vjen në janar”, shkroi në postimin tjetër.

Ende nuk ka një datë albumin të cilin do ta lansojë këngëtarja dhe se si do të titullohet.

Kida së fundmi bëri lëmsh rrjetin duke ndarë me ndjekësit propozimin për martesë që mori nga i dashuri i saj.

Ajo deri më tani ka qenë shumë e rezervuar për jetën e saj private dhe fejesa e saj erdhi si një befasi për të gjithë. /Telegrafi/