13 raste vjedhjesh në rajonin e Ferizajt gjatë javës së kaluar

Javën e kaluar në Policinë e Kosovës janë raportuar 13 raste të vjedhjeve, prej tyre 11 në Ferizaj, një në Kaçanik dhe një në Han të Elezit.

“Në rajonin e Ferizajt Policia ka arrestuar 63 persona të kërkuar me urdhëresa të gjykatave kompetente për vepra të ndryshme penale. Ftojmë qytetarët që të bashkëpunojnë me Policinë. Për të gjitha rastet kriminale të njoftojnë menjëherë Policinë, stacionin më të afërt, ose përmes aplikacionit digjital ‘Lajmëro Policinë’ dhe në numrat kujdestarë: 192,0290/326-250 & 0290/322-406”, thuhet në njoftimin e Policisë. /Zëri