Policia kërkon dy persona të dyshuar për vjedhje

Policia e Kosovës, përmes njoftimit, ka bërë të ditur se ka shpallur në kërkim dy persona, të cilët dyshohen për vjedhje.

Personat e kërkuar në fjalë janë një grua dhe një burrë, raporton Zeri.info.

“Njësiti i Hetimeve të Stacionit Policor të Graçanicës, me autorizim nga Prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi. Personat e dyshuar kërkohen për ‘Vjedhje’”, thuhet në njoftimin e Policisë.

Policia po ashtu apelon që për çdo informatë që mund të çojë në identifikimin e personave ose vendndodhjes së tyre, kontaktoni Policinë në numrin e telefonit: 192. /Zëri