Gabriel Jesus kalon Arsenalin në gjysmëfinale të EFL Cup me het-trikun e tij

Arsenali ka kaluar në gjysmëfinale të EFL Cup, duke mposhtur 3-2 Crystal Palacen falë het-trikut të Gabriel Jesus.

Pas vetëm katër minutash lojë, Jean-Philippe Mateta kaloi The Eagles në epërsi.

Ky ishte goli i vetëm i pjesës së parë, ndërsa në 45 mintuat e dytë Arsenali ishte i pandalshëm.

Në minutën e 54-të, Gabriel Jesus i barazoi shifrat në 1-1 me asistimin e Martin Odegaard.

Sulmuesi brazilian i përmbysi shifrat në 2-1 me golin e shënuar në minutën e 73-të, ndërsa Bukayo Saka ishte në rolin e asistuesit.

Jesus (81’) e kompletoi het-trikun e tij, kur Odegaard ishte sërish asistuesit, për rezultatin 3-1.

Eddie Nketiah ndëshkoi ish-skuadrën e tij në minutën e 85-të për 3-2, por që kaq ishte fuqia e mysafirëve.

Arsenali kështu kaloi në gjysmëfinale, ndërsa pritet të mësojë shpejtë kundërshtarin e radhës. /Telegrafi/