Pas shumë vitesh, këngëtarja Parashqevi Simaku bie në kontakt me familjen

Këngëtarja e njohur shqiptare, Parashqevi Simaku, është rikthyer në vëmendjen e publikut pas shumë vitesh, teksa u pa në një video të postuar nga një televizion amerikan duke marrë ndihma sociale në New York.

Mbrëmë biznesmeni shqiptar Elton Ilirjani publikoi një video ku tregonte se ishte takuar me artisten, madje edhe i kishte siguruar një dhomë në hotel për tri javë.

Tashmë Ilirjani ka dhënë një tjetër lajm për Parashqevi Simakun. Nëpërmjet një postimi në Instagram, ai ka treguar se artistja pas shumë vitesh është në kontakt me familjen.

“Parashqevia u lidh pas shumë vitesh me vëllain e saj dhe nipat dhe mbesën! Familja e saj është tashmë në kontakt”, shkruan Elton Ilirjani në rrjetet sociale.