Billie Eilish e mërzitur, pasi një fans e godet me byzylyk në koncertin e Glendale

Gjatë një koncerti të turneut të saj “Hit Me Hard and Soft” në Glendale, Arizona, Billie Eilish u godit në fytyrë nga një byzylyk i hedhur nga publiku.

Incidenti ndodhi ndërsa këngëtarja 22-vjeçare e “Ocean Eyes” ishte ulur këmbëkryq në pjesën e përparme të skenës, duke kënduar këngën emocionale “What Was I Made For?”.

Eilish, e habitur për një moment, vazhdoi performancën me profesionalizëm, por hedhja e objektit shkaktoi reagime të ashpra nga fansat. Shumë shprehën zemërimin e tyre për sjelljen e papërgjegjshme, ndërsa këngëtarja hodhi byzylykun mbrapsht drejt turmës, shkruan DailyMail.

Më parë, Eilish kishte kritikuar trendin e hedhjes së objekteve drejt artistëve në skenë, duke e quajtur atë “tërbues dhe të rrezikshëm.” Gjatë një interviste në 2023, ajo tha: “Kam ndjenja të përziera për këtë, sepse është nga dashuria, por nuk është mënyra e duhur për ta treguar”.

Fansat reaguan fuqishëm edhe në rrjetet sociale. Një përdorues shkroi: “Kur do të mësoni të mos hidhni gjëra te artistët?”, ndërsa një tjetër paralajmëroi: “Këto performanca intime do të zhduken nëse sjelljet e tilla vazhdojnë”.

Incidenti është një tjetër shembull i një problemi në rritje gjatë koncerteve, me artistë si Eilish që u bëjnë thirrje fansave të respektojnë hapësirën dhe sigurinë e tyre në skenë. /telegrafi

 

Lexo edhe:

“Shqipëria ime ja ku është”, Parashqevi Simaku transformohet dhe këndon sërish

Elton Ilirjani gjen Parashqevi Simakun, publikon pamje emocionuese teksa darkojnë së bashku

Pamela Anderson rikthehet e gatshme për Oscar