Aksident mes dy veturave në magjistralen Prishtinë-Ferizaj, lëndohen dy persona

Një aksident trafiku raportohet të ketë ndodhur sot rreth orës 18:00, në magjistralen Prishtinë-Ferizaj.

Lajmin për Zeri.info e ka konfirmuar zëdhënësja e Policisë së Kosovës për rajonin e Prishtinës Flora Ahmeti.

Ahmeti ka thënë se në këtë aksident kanë qenë të përfshira dy automjete, ku si pasojë kanë mbetur të lënduar dy persona. Ndërkaq të lënduarit janë dërguar për tretman mjekësor.

"Sot rreth orës 18:00 në rrugën Lipjan -Prishtinë, ka ndodhur një aksident trafiku, ku kanë qenë të përfshira dy automjete. Si pasojë e aksidentit lëndime trupore kanë pësuar dy persona të cilët janë dërguar për tretman mjekësor. Me rastin po merren heuesit nga njësiti i trafikut", ka thënë Ahmeti. /Zëri