Hyri ilegalisht në Kosovë, arrestohet një person në Leposaviq

Një person është arrestuar të enjten në fshatin Jellakse të Leposaviqit.

Ai dyshohet se ka hyrë ilegalisht nga Serbia në Kosovë, ku gjatë kontrollit nga Policia i është gjetur edhe një radiolidhje, transmeton Zeri.info.

“Fsh. Jellakse - Leposaviq, 12.12.2024, 22:00. Njësia policore gjatë patrullimit ka ndaluar një automjet me targa lokale me vozitës të dyshuarin mashkull kosovar, i cili dyshohet se ka hyrë ilegalisht nga territori i Serbisë në Republikën e Kosovës. Gjatë kontrollit tek i njëjti është gjetur dhe sekuestruar një radiolidhje. I dyshuari është arrestuar dhe pas intervistimit, me vendim të prokurorit, është liruar në procedurë të rregullt”, thuhet në raportin e plotë të Policisë. /Zëri