West Hami jep detaje për gjendjen e Antonios, i cili pësoi aksident të rëndë trafiku

Sulmuesi i West Ham-it, Michail Antonio, është përfshirë në një aksident trafiku, njoftoi klubi i Premier Ligës.

Por, klubi londinez tani ka njoftuar se gjendja e Antonios është stabile tani.

Reagimi i plotë i klubit:

West Ham United konfirmon se Michail Antonio është në gjendje të qëndrueshme pas një aksidenti trafiku këtë pasdite në zonën e Essex-it.

Michail është i vetëdijshëm dhe në komunikim dhe aktualisht ndodhet nën mbikëqyrje të afërt në një spital në qendër të Londrës.

Në këtë kohë të vështirë, ju lutemi të respektoni privatësinë e Michail-it dhe familjes së tij.

Klubi nuk do të bëjë asnjë koment të mëtejshëm këtë mbrëmje, por do të japë një përditësim të mëtejshëm në kohën e duhur.