Arrestohet edhe një i dyshuar për sulmin në Ibër-Lepenc, policia i gjen armë e municion në shtëpi

Në orët e mbrëmjes së 1 dhjetorit është arrestuar edhe një i dyshuar për sulmin në kanalin e Ibër-Lepencit.

Sipas njoftimit nga Policia, të dyshuarit me iniciale J.V., me urdhër të prokurorit përgjegjës të Prokurorisë Speciale, i është caktuar masa e ndalimit policor prej 48 orëve.

Po ashtu bëhet e ditur se në bashkëpunim dhe koordinim të plotë me Prokurorinë Speciale, është zbatuar kontrolli në shtëpinë ku banonte i dyshuari, me ç’rast janë sekuestruar dëshmi dhe prova materiale, si më poshtë:

Katër granata dore

Një pushkë gjuetie

Mbi 500 copë municion të kalibrave të ndryshëm

Dy karikatorë të armës automatike AK-47

Një karikator i pushkës së gjatë

Një radiolidhje