Begaj kujton Rugovën në ditëlindjen e tij: Vizionar që pa gjithmonë nga Perëndimi për ardhmërinë

Presidenti i Shqipërisë, Bajram Begaj, ka kujtuar ish-presidentin historik të Kosovës Ibrahim Rugovën në 80-vjetorin e tij të lindjes.

Begaj e ka quajtur Rugovën si president të rrallë dhe vizionar, që pa gjithmonë nga Perëndimi për ardhmërinë.

“Si sot 80 vjet më parë Kosova lindi Presidentin e rrallë e vizionar që pa gjithmonë nga Perëndimi për ardhmërinë. Koha dëshmoi vlerat e tij si burrë shteti për të cilat kemi nevojë sot e përgjithmonë. Të gjithë shqiptarët do ta kujtojnë gjithmonë me nderim ditëlindjen e presidentit të përjetshëm dr. Ibrahim Rugova!”, shkroi presidenti Begaj.